Musikkaktivitetar
Goplegroove
Kvar sommar sidan 2011 har eg arrangert minifestivalen Goplegroove på Gopledal ved Farris i Larvik. Her møtast vi til intenst samspel, før vi inviterer publikum inn til musikk og god mat laurdag kveld. Dette har vore ei stor kjelde til musikalsk påfyll og inspirasjon for meg, og har gjeve meg mykje glede og energi. Fast musikalsk drivkraft gjennom alle desse åra har vore Mathilde Grooss Viddal.
Foto: Stan Williams
Sommarkurs
Sommarkursa med jazzimprovisasjon har vore viktige for meg. Eg har delteke fleire gonger på Blekinge Jazz & World, Jazzimpro-kurset i Søgne, Sommarkurs i storband og INFI-camp (INFI=International Network for Female Instrumentalists).
Trompetlærarar eg har hatt på desse kursa har vore Eckhard Baur, Mathias Eick, Ingrid Jensen (CA/US), Hayden Powell, Torgrim Sollid og Hildegunn Øiseth.
Norsk lur- og bukkehornlag
Som ivrig bukkhornist og lurblåsar er eg naturligvis med i Norsk lur- og bukkehornlag. Her frå samling på Norsk Folkemuseum på Bygdøy.
Folkemusikk og jazz
Eg spelar musikk frå mange sjangrar, men mest folkemusikk og jazz. Folketonen eg spelar her er arrangert av Mathilde Grooss-Viddal.
Foto: Sylvelin Hege Sevilhaug
Lyden av seterliv
Med meg på seterinstrument som lur, bukkehorn og fløyter og Karolina Westling som lokkar og speler fele, tek vi tilhøyrarane med inn i livet på setra - med villdyr og hulder, men òg tid til ein kaffitår.
Foto: Geir Nordbotten
